46. காமெடி திரைப்படங்கள்

இரண்டு தலைமுறை

46. காமெடி திரைப்படங்கள்.

ஜஸ்ட், அந்தந்த படங்களின் போஸ்டரை க்ளிக் செய்தால் போதும் தானாகவே படம் ஓடும்.
(சில படங்களின் லிங்க் வேலை செய்யாமல் போகலாம்)

1.சபாஷ் மீனா
2.பலே பாண்டியா
3.காதலிக்க நேரமில்லை
4.மதராஸ் டூ பாண்டிச்சேரி
5.பாமா விஜயம்
6.அனுபவி ராஜா அனுபவி
7.முகமது பின் துக்ளக்
8.காசேதான் கடவுளடா
9.முயலுக்கு மூணு கால்
10.தில்லுமுல்லு
11.இன்று போய் நாளை வா
12.மணல் கயிறு
13.அண்ணே அண்ணே
14.ஆண்பாவம்
15.அரங்கேற்ற வேளை
16.மைக்கேல் மதன காமராசன்
17.நடிகன்
18.ஒண்ணா இருக்க கத்துக்கணும்
19.பொறந்த வீடா புகுந்த வீடா
20.மகளிர் மட்டும்
21.வீரா
22.சதிலீலாவதி
23.உள்ளத்தை அள்ளித் தா
24.டாட்டா பிர்லா
25.பொங்கலோ பொங்கல்
26.ஜீன்ஸ்
27.தெனாலி
28.சிகாமணி ரமாமணி
29.பஞ்சதந்திரம்
30.சுந்தரா டிராவல்ஸ்
31.திருடா திருடி
32.வின்னர்
33.வசூல் ராஜா MBBS
34.23 ஆம் புலிகேசி
35.சென்னை 600028
36.பொய் சொல்லப் போறோம்
37.பாஸ் (எ) பாஸ்கரன்
38.காஞ்சனா
39.மனம் கொத்தி பறவை
40.ஒரு கல் ஒரு கண்ணாடி
41.நடுவுல கொஞ்சம் பக்கத்த காணோம்
42.வருத்தப்படாத வாலிபர் சங்கம்
43.சூது கவ்வும்
44.எதிர் நீச்சல்
45.பொறந்த வீடா புகுந்த வீடா
46.கண்ணா லட்டு தின்ன ஆசையா

படம்னா இப்படி த்ரில்லடிக்கணும்..அப்படி ஒரு படம் தான் நூறாவது நாள்..

படம்னா இப்படி த்ரில்லடிக்கணும்..அப்படி ஒரு படம் தான் நூறாவது நாள்..

1984ல் மணிவண்ணன் இயக்கி மோகன், நளினி, விஜய்காந்த், சத்யராஜ் நடித்து வந்த படம்..

படம் The psycic என்கிற பெயரில் ஆங்கிலத்தில் டப் செய்யப்பட்டு வந்த ஒரு ஜெர்மன் படம். ஆங்கிலப்படத்தின் முழுக்கதையையும் அப்படியே தமிழுக்காக மாற்றி எடுத்திருப்பார் மணிவண்ணன்....சர்ச்சில் நாயகியை துரத்துவது அப்படியே டிட்டோ.

மணிவண்ணன் கோபுரங்கள் சாய்வதில்லை, ஜோதி, குவா குவா வாத்துக்கள்னு ஒரு ஆறேழு குடும்பக்கதை எடுத்துட்டு அப்புறம் எடுத்த த்ரில்லர் தான் நூறாவது நாள். இதறற்கு முன் ஜனவரி 1 எடுத்திருந்தாலும் இது அட்டகாசமான த்ரில்லர்..

படத்தின் வெற்றிக்கான காரணிகள்..

1.இளையராஜா...இளையராஜாவின் மூன்று பாடல்களில் ஒரு பாட்டு கன்னட 'கீதா' படத்திலிருந்த ஹிட்டான 'ஜொதயலி' பாட்டு..அதே டியூனை விழியிலே மணி விழியில் என போட்டிருந்தார். ஆனால் பிண்ணனிஇசை தான் படத்தோட ஹைலைட். சத்யராஜ் அந்த சர்ச்சில் துரத்தி தேடி வரும் காட்சியில் ராஜா நம்மோட இதயத்துடிப்பை போலவே இசை அமைத்திருப்பார்..ராஜாவோட ஸ்பெஷல் த்ரில்லர்..

2.சத்யராஜ்...சத்யராஜ் ஆறு வருஷமாக சின்ன சின்ன ரோல்களில் நடித்தாலும் அப்போ தான் தண்டிக்கப்பட்ட நியாயங்கள், தம்பிக்கு எந்த ஊரு படங்களில் தாடி வைத்த வில்லன் என மக்களால் அறியப்பட்டவராக மாறிக்கொண்டிருந்தார். இனி டைரக்டராகலாம் என தீர்மானித்து மணிவண்ணனை போய் பார்க்க மணிவண்ணன் அந்த வில்லன் ரோல் கொடுத்தார். சிவப்பு ஜெர்கின், ரவுண்ட் கூலர்ஸ், மொட்டை தலைன்னு வந்து அசத்தி விடுவார். படத்தில் மணிவண்ணன் ஸ்பெஷாலிட்டி என்னன்னா மொட்டை தலை வில்லனை நமக்கு காட்டி விடுவார்கள் நளினியின் கனவு காட்சி மூலம்..அதற்கடுத்த காட்சியிலேயே சத்யராஜ் தாடி, மீசையோடு வருவார். ஆனால் நமக்கு அவர் தான் அந்த மொட்டை என்பது தனி சஸ்பென்ஸாக வரும்...இது ஒரிஜினல் ஆங்கிலப்படத்தில் இல்லாத சஸ்பென்ஸ்...இந்தப்படத்துக்குப்பின் சத்யராஜ் பெரிய நடிகராக மாறினார். அம்ஜத்கானுக்கு ஷோலே போல சத்யராஜுக்கு நூறாவது நாள்...

3.விஜயகாந்த்..விஜயகாந்த் கௌரவ வேடம் போல் வந்தாலும் அவரின் ஆக்ஷன் தான் படத்தை வேறு லெவலுக்கு கொண்டு போனது..மோகன் நடித்தாலும் இது விஜய்காந்த் படாமாக பார்க்கப்பட்டு மக்கள் தியேட்டருக்கு வந்தனர்..

4.மோகன்...மோகன் கடைசி வரை நல்லவனாக காட்டப்படுவார். கிளைமாக்சில் தான் அவரே வில்லன் என தெரியவரும். மோகனின் நாயக கதாபாத்திரம் மென்மையானதாக இருந்து வந்தது. அதனால் இயல்பாகவே நம் சந்தேகம் அவர் மேல் திரும்பாது. ஆங்கில ஒரிஜினலில் இல்லாதது அந்த முதல்காட்சி. மழையில் ரெயின்கோட்டோடு ஒரு உருவம் கொலைசெய்து உடலை சுவற்றுக்குள் வைத்து கல்வைத்து பூசுவது...அட்டகாசமான துவக்கம்..

5.மணிவண்ணன்...டைரக்டர் மணிவண்ணனின் திரைக்கதை ஒரு அழகான அடுக்கு...ஒரிஜினலை மிஞ்சிய திரைக்கதை..இதே ஆங்கிலப்படத்தை 'ஆயிரம் கண்ணுகள்' என மலையாளத்தில் மம்முட்டி, ஷோபனா, ரதீஷ் நடித்தனர். மம்முட்டிக்கு மோகன் பாத்திரம். ஆனால் அவர் கொலை செய்யமாட்டார். கதையில் செய்த பல குழப்பங்களால் படம் படுதோல்வி...நூறாவது நாளை ரீமேக் செய்த ஹிந்திப்படம் 100 Days ஹிட்...

6.நளினியின் வீல் என்ற அலறலும் பீதியான கண்களும் நம்மையும் திகிலடிக்க வைக்கும்..அழகானநடிப்பு....

ஜனகராஜ் கிஃப்ட் பாக்ஸில் ஷூவை வைத்து கொடுத்து கல்யாணவீட்டில் அடிவாங்கும் காமெடி மறக்கமுடியாதது...மோகனின் 'ஐம் குமார்...ராம்குமார்...' டயலாக்...

நூறாவது நாள்....84ல் வந்த அட்டகாசமான த்ரில்லர்....

தன் இனிய குரலால் காலத்தால் அழியாத பல நல்ல பாடல்களைக் கொடுத்த அருண்மொழி

தன் இனிய குரலால் காலத்தால் அழியாத பல நல்ல பாடல்களைக் கொடுத்த அருண்மொழி.

தமிழ் சினிமாவில் 1980 / 90களில் ரஜினி, கமல், விஜயகாந்த், பிரபு, கார்த்திக், சத்யராஜ் என்கிற இந்த சூப்பர் சிக்ஸ்.... முரளி, ராம்கி, சரத்குமார் , ராமராஜன், பாக்யராஜ், பாண்டியராஜன், பார்த்திபன், ராஜ்கிரண் என்கிற இந்த இரண்டாவது வரிசை கதாநாயகர்கள்...

விஜய், அஜித், விக்ரம், பிரசாந்த், வினீத் என்கிற அடுத்த தலைமுறை நாயகர்கள் இதுபோக பிரபுதேவா, லாரன்ஸ், ஜான் பாபு என்று டான்ஸ் மாஸ்டர்கள்... இவர்கள் அத்தனை பேருக்கும் பின்னணி பாடி இருக்கும் பாடகர்கள் யார் யார் என்று கேட்டால் உடனே வரும் பதில் இதுவாகத்தான் இருக்கும்...

 "லிஸ்ட்டு கொஞ்சம் பெருசா இருக்கு... எஸ்.பி.பி.. அப்பறம் மனோ ரெண்டு பேர் தான்" என்று.. உண்மையில் இந்த அத்தனை கதாநாயகர்களுக்கும் பாடிய மூன்றாவது பாடகர் ஒருவர் இருக்கிறார்..

கெமிக்கல் கம்பெனியில் சூப்பர்வைசராக இருந்த அந்த தஞ்சாவூர்க்கார இளைஞனுக்கு பண்டிட் ஹரி பிரசாத் சௌராசியா என்றால் ஆதர்ஷம்.. ஒரு நாள் அவரது நண்பரும் இசை மேதை  சி.ஆர். சுப்பராமனின் மகனுமாகிய சித்தார் கண்ணன் தன்னுடைய சித்தப்பா இசையமைக்கும் ஒரு படத்தின் பாடல் பதிவுக்கு அந்த இளைஞனை அழைத்துச் சென்றார்.. அன்று வாசிக்க வேண்டிய புல்லாங்குழல் கலைஞர் வராததால் அங்கு ஒரே பரபரப்பு...  "என்னோட வந்திருக்கிற நண்பர் கூட Flute நல்லா வாசிப்பாரு.. அவரை வாசிக்க சொல்லவா? " என்று திரு. கண்ணன் கேட்க அடுத்த 5வது நிமிடத்தில் ஓ.கே செய்தனர் படத்தின் இசையமைப்பாளர்களான இரட்டையர்கள் சங்கர் - கணேஷ். அந்த இளைஞனின் சினிமா பிரவேசமும் 1981ல் பிரேம் நசீர் நடித்து வெளியான "சங்கர்ஷம்" என்கிற அந்த மலையாளப் படத்தின் மூலம் நிகழ்ந்தது..

அடுத்து சில வருடங்களிலேயே  வரிசையாக அர்ஜுனன் மாஸ்டர், ஜான்சன் மாஸ்டர், தெட்சிணாமூர்த்தி, கே.வி.மஹாதேவன், எம்.எஸ்.விஸ்வநாதன், நௌஷாத் அலி என்று அன்றைய மலையாளத் திரை உலகில் இருந்த அனைத்து இசை அமைப்பாளர்களிடமும் வாசித்து விட்டார் அந்த இளைஞர்.. சொல்ல மறந்து விட்டேன்.. அவர் பெயர் நெப்போலியன்..

ஒரு நாள் அவருக்கு இளையராஜாவிடம் இருந்து அழைப்பு வந்தது.. ஆர்.சுந்தர்ராஜன் இயக்கும் "என் ஜீவன் பாடுது" படத்தில் "ஒரே முறை உன் தரிசனம்" என்ற பாடலுக்கு புல்லாங்குழல் வாசிக்க.. அது தான் இளையராஜாவின் இசையில் அவர் வாசித்த முதல் பாடல்.. அதைத் தொடர்ந்து அவரது இசையில் "சொல்லத் துடிக்குது மனசு" படத்தில் வரும் "பூவே செம்பூவே உன் வாசம் வரும்" பாடல்.....

இசைக் கலைஞர்களுக்கு வாசிக்க வேண்டியவற்றை மேற்கத்திய இசைக் குறிப்புகளாய் எழுதும் வழக்கமுடைய இளையராஜாவிடம் அவரது குறிப்புகளை புரிந்துகொண்டு அதை மற்ற இசைக் கலைஞர்களுக்கும் நெப்போலியன் விளக்க ஆரம்பித்தது ராஜாவுக்கு பிடித்துப் போக, அவரது ஆஸ்தான வித்வான்களான சதானந்தம் (Guitar), பிஜு மேனுவல் (Key Board), பிரபாகர் (Violin), ஜெயச்சா (Percussion), புருஷோத்தமன் (Drums / Rythm Programmer) வரிசையில் நெப்போலியன் (Flute) என்ற பெயரும் இடம்பிடித்தது.. அன்று முதல் இன்று வரை இளையராஜாவின் அத்தனை படத்திலும் கேட்கும் குழலோசை நெப்போலியனுடையது தான்..

ஒரு நாள் வாய்ஸ் ரூமில் மற்றொரு இசைக்கலைஞருக்கு வாசிக்க வேண்டிய ஸ்வரத்தை இவர் பாடிக்காட்டியதை ஹெட்போனில் கேட்ட ராஜா அடுத்த நாளே "நெப்போலியன் இந்த பாட்ட நீங்களே பாடிடுங்க" என்று ஒரு இன்ப அதிர்ச்சி அளித்தார்.. தமிழ் சினிமாவில் இன்னுமொரு புதிய பின்னணிப் பாடகர் உருவான நாள் அது..

தான் அறிமுகம் செய்கிற கலைஞர்களுக்கு பெயர் சூட்டும் இளையராஜா (மனோ (நாகூர் பாபு), மின்மினி (மினி ஜோசப்), தீபன் (சக்கரவர்த்தி ராஜரத்தினம்))  நெப்போலியனை (ரமணரின் அருண்மொழித் திரட்டு என்ற நூலின் பெயரில் இருந்து) அருண்மொழி என்று அறிமுகப் படுத்தினார்.. அவர் பாடி வெளியான முதல் பாடல் "சூரசம்ஹாரம்" படத்தில் "நானென்பது நீயல்லவோ தேவதேவி".. அதே படத்தில் "நீலக்குயிலே" என்று இன்னொரு பாடலும் பாடி இருப்பார்..

80 களின் பிற்பகுதியிலும் 90 களிலும் தமிழ் சினிமா உலகில் தன் மென்மையான குரலால் முதல் பத்தியில் நான் சொன்ன அத்தனை ஹீரோக்களுக்கும் பாடிய அந்த மூன்றாவது பாடகர் இந்த அருண்மொழி தான்..

பி.பி.எஸ், ஏ.எம்.ராஜா போன்ற மென்மையான குரல் அருண்மொழியுடையது.. அதிகம் சங்கதிகளோ பிருகாக்களோ இருக்காது. ஆனால் மேல் ஸ்தாயியில் பாடும்போது கூட கொஞ்சமும் பிசிரடிக்காது... குறிப்பாக அவரது பிரபலமான "வெள்ளிக் கொலுசு மணி" பாடலில் கூட நீண்ட பல்லவி கொஞ்சமும் மூச்சு முட்டாமலும் சரணத்தில் "உள்ள போயி நீதான் பாடுகின்ற பாட்டு" என்னும் வரியில் சுதி விலகாமலும் இனிமையாகப் பாடி இருப்பார்.

இதில் வினோதம் என்ன என்றால் எந்த நடிகருக்கு பாடினாலும் அது அருண்மொழியின் குரல் என்று தனியாகத் தெரியும்.. உதாரணத்திற்கு :

கமலுக்கு - நானென்பது நீயல்லவோ (சூரசம்ஹாரம்)

ரஜினிக்கு - ஆத்துல அன்னக்கிளி (வீரா)

விஜயகாந்துக்கு - வாசக் கறிவேப்பிலையே (சிறையில் பூத்த சின்னமலர்)

சத்யராஜுக்கு - மனசுக்குள்ள நாயன சத்தம் (மல்லுவேட்டி மைனர்)

பிரபுவுக்கு - தென்றல் வரும் முன்னே முன்னே ( தர்மசீலன்)

கார்த்திக்கிற்கு -  வேண்டினா வேண்டும் வரம் ( கட்டப் பஞ்சாயத்து)

பார்த்திபனுக்கு  - வராது வந்த நாயகன் (தாலாட்டு பாடவா)

ராமராஜனுக்கு - வெள்ளி கொலுசு மணி (பொங்கி வரும் காவேரி)

விஜய்க்கு - அரும்பும் தளிரே (சந்திரலேகா)

விக்ரமிற்கு - முத்தம்மா முத்து முத்து (தந்து விட்டேன் என்னை )

ராம்கிக்கு - ஆதாமும் ஏவாளும் போல (மருதுபாண்டி)

பாக்யராஜுக்கு -  வந்தாள் வந்தாள் ராஜகுமாரி (ஒரு ஊர்ல ஒரு ராஜகுமாரி)

பிரபுதேவாவுக்கு - மஸ்தானா மஸ்தானா (ராசையா)

அதனால் தான் அதிகம் பிரபலமாகாத அல்லது பெயரே தெரியாத ஹீரோக்களுக்கு கூட நிரைய ஹிட் பாடல்கள் பாடி இருக்கிறார்.. உதாரணத்திற்கு..

மல்லிகமொட்டு  மனசத்தொட்டு (சக்திவேல் - செல்வா (டாக்டர் ராஜசேகரின் தம்பி)

புன்னை வனப் பூங்குயிலே (செவ்வந்தி - சந்தனபாண்டியன் (நடிகை ஸ்ரீஜாவின் கணவர்)

உன்னைக் காணாமல் நான் ஏது (கவிதை பாடும் அலைகள் -  ராஜ்மோஹன்)

ஏ ராசாத்தி பூச்சூட்டி (என் உயிர்த் தோழன் -  தென்னவன்)

என் வீட்டு ஜன்னல் எட்டி (ராமன் அப்துல்லா - விக்னேஷ்)

பார்த்திபன் - இளையராஜா இணைந்த முதல் படமான பொண்டாட்டி தேவை படத்தில் "ஆராரோ பாட்டுப் பாட" என்று  ஒரு பாடல் அருண்மொழி பாடி இருப்பார்..  இந்த ஜோடி மீண்டும் இணைந்த "தாலட்டுப் பாடவா" படத்தில் எல்லா பாடல்களும் ஹிட்டடிக்க , அவரது குரல் தனக்கு கச்சிதமாக பொருந்துவதாக உணர்ந்த பார்த்திபன் அதிலிருந்து தனது அடுத்து வந்த படங்களில் எல்லாம் பாட வைத்திருப்பார்... உன்னை வாழ்த்திப் பாடுகிறேன்,  அழகி, புள்ளகுட்டிக்காரன், இவன் என்று  வரிசையாக இளையராஜா படங்களில் மட்டுமன்றி மற்ற இசையமைப்பாளர்களின் படங்களிலும் அருண்மொழியையே பாட வைத்திருப்பார்.. இந்த ஜோடியின்  சூப்பர்ஹிட்டுகள் சில :

ஆராரோ பாட்டுப் பாட (பொண்டாட்டி தேவை)
வராது வந்த நாயகன் (தாலாட்டுப் பாடவா)
வெண்ணிலவுக்கு வானத்த புடிக்கலயா(தாலாட்டுப் பாடவா)
மெட்டி மெட்டி வெள்ளி மெட்டி  (புள்ளகுட்டிக்காரன்)
பூங்குயில் பாட்டு பிடிச்சிருக்கா (நீ வருவாய் என )
தென்றலுக்கு தெரியுமா தெம்மாங்கு பாட்டு (பாரதி கண்ணம்மா)
கம்மாக்கரை ஓரமா (சொர்ணமுகி)
ஒரு சுந்தரி வந்தாளாம் (அழகி)

நாட்டுப்புறப் பாட்டு படத்தில் இவர் பாடிய "ஒத்த ரூவா தாரேன்" தாறுமாறு ஹிட்டாக அமைய, அதிலிருந்து சலக்கு  சலக்கு (சூரியவம்சம்),  சாந்து  பொட்டும் (வீரத் தாலாட்டு), எத்தன மணிக்கு (கரிசக்காடுப்  பூவே), ஏளா அழகம்மா (திருநெல்வேலி), கஞ்சி கலயந்தான் (கும்மிப் பாட்டு), செம்பருத்திப்பூ (விண்ணுக்கும் மண்ணுக்கும்) என வரிசையாக நாடுப்புறக் குத்துப் பாடல்களே வரிசை கட்டின.

இயல்பிலேயே மெலடிப் பிரியரான இவர் இதனால் பாடுவதையே நிறுத்தி விட்டார்.

நான் அறிந்த வரையில் ஒரு இசைக்கலைஞர் நூற்றுக்கும் மேற்பட்ட பாடல்களை பாடி இருப்பது தமிழ் சினிமாவில் இவர் தான்..

பாடுவது மட்டுமின்றி இவர் ஒரு பாடலாசிரியரும் கூட.. கிட்டத்தட்ட 20 பாடல்கள் எழுதி இருக்கிறார்... வித்யாசாகர் இசையில் "வாசகி  வாசகி" (அரசியல்), கார்த்திக் ராஜாவின் இசையில் "ஜாலி ஜாலி லைப் (உல்லாசம்) மற்றும் எனக்கொரு மகன் பிறப்பான் படத்தின் அனைத்துப் பாடல்களும் இவர் எழுதியது தான்..

அதுமட்டுமல்ல, ராஜாவின் பார்வையிலே, நாட்டுப்புறப் பாட்டு உள்ளிட்ட சில படங்களுக்கு இவரை பின்னணி இசை (ரீ-ரெக்கார்டிங்) அமைக்க வைத்திருக்கிறார் இளையராஜா..

தன் இனிய குரலால் காலத்தால் அழியாத பல நல்ல பாடல்களைக் கொடுத்த அருண்மொழியை மீண்டும் தமிழ் சினிமா சரியாகப் பயன்படுத்திக் கொள்ள வேண்டும்.... அருண்மொழி சார் மீண்டும் வருக... நல்ல நல்ல பாடல்களைத் தருக!!!
Thanks_krishronline

இணையத்தை கலக்கும் பிரபல மாடல் நடிகையின் அகோரி கெட்டப் புகைப்படங்கள்

பிரபல மாடல் நடிகையாக திகழ்பவர் அப்ரஜிதா சிங். இவர் சில தொலைக்காட்சி நிகழ்ச்சிகளிலும் பங்கேற்றுள்ளார். இவர் அகோரி கெட்டப்பில் எடுத்த போட்டோஷூட் புகைப்படங்கள் இப்போது இணையத்தில் வெளிவந்து வைரலாகி வருகின்றன.