உலகின் மிகச்சிறந்த 25 இசையமைப்பாளர்கள் பட்டியலில் இளையராஜா!

உலகின் மிகச்சிறந்த 25 இசையமைப்பாளர்கள் பட்டியலில் இளையராஜா!

உலகின் மிகச் சிறந்த 25 இசையமைப்பாளர்களில் (Music Composers) ஒருவராக இளையராஜா தேர்வு செய்யப்பட்டுள்ளார்.

இந்தியாவிலிருந்து இந்தப் பட்டியலில் இடம்பெற்றுள்ள ஒரே இசையமைப்பாளர் இளையராஜா மட்டுமே.

டேஸ்ட்ஆப் இந்தியா என்ற பிரபல இணையதளத்தில் வெளியாகியுள்ள அந்த 25 கம்போஸர்கள் பட்டியல் இது.

25. ஆலன் சில்வெஸ்ட்ரி (ஃபாரஸ்ட் கம்ப், பேக் டு த ஃப்யூச்சர், தி அவெஞ்சர்ஸ் படங்களின் இசையமைப்பாளர்)

24. வாஞ்சலிஸ் (ப்ளேட் ரன்னர், சேரியட்ஸ் ஆப் பையர் போன்ற பிரிட்டிஷ் படங்களின் இசையமைப்பாளர்)

23. ஜேம்ஸ் நியூட்டன் – ஹோவர்ட் (எட்டு முறை ஆஸ்கருக்குப் பரிந்துரைக்கப்பட்டவர். தி ப்யூஜிடிவ், மை பெஸ்ட் ப்ரண்ட்ஸ் வெட்டிங், வெர்டிகல் லிமிட், தி சிக்ஸ்த் சென்ஸ் போன்றவை இவர் இசையில் வந்தவை)

22. பிலிப் க்ளாஸ் (இவர் இசையமைத்த மிஷிமா : எ லைப் இன் போர் சேப்டர்ஸ் இன்றும் சிறந்த இசையாகப் போற்றப்படுகிறது. க்வாட்ஸி பட வரிசைகளுக்கு இசையமைத்தவர்)

21.டேனி எல்ப்மேன் (பிரபல ஹாலிவுட் இயக்குநர் டிம் பர்ட்டனுடன் இணைந்து பல வெற்றிப் படங்கள் தந்தவர். குறிப்பாக பேட்மேன் வரிசைப் படங்கள்)

20.தாமஸ் நியூமேன் (ரோட் டு பெர்டிஷன், பைன்டிங் நெமோ போன்ற படங்களுக்கு இசை அமைத்தவர். இவர் தந்தை ஆல்ப்ரெட் நியூமேன், சகோதரர் டேவிட் நியூமேன், உறவினர் ராண்டி நியூமேன் அனைவருமே புகழ்பெற்ற இசையமைப்பாளர்கள்)

19.ஹோவர்ட் ஷோர் (லார்ட் ஆப் தி ரிங்க்ஸின் மூன்று பாகங்களுக்கும் இசை தந்தவர். மூன்று ஆஸ்கர்கள் பெற்றவர்)

18.எல்மர் பெர்ன்ஸ்டீன் (தி மேக்னிபிஷியன்ட் செவன், டென் கமான்ட்மெண்ட்ஸ், தி கிரேட் எஸ்கேப் போன்ற படங்கள் இவர் இசையமைத்தவைதான்)

17.டிமிட்ரி டியோம்கின் (ரெட் ரிவர், ஹை நூன், மிஸ்டர் ஸ்மித் கோஸ் டு வாஷிங்டன் போன்ற படங்களின் இசையமைப்பாளர்)

16.ஜார்ஜஸ் டெலெரெ (தொடர்ந்து மூன்று ஆண்டுகள் சீஸர் விருது பெற்ற முதல் இசையமைப்பாளர். ஜீன் லாக் கோடர்ட்டின் கண்டெம்ப் போன்ற படங்களுக்கு இசையமைத்தவர்.)

15.ஜேம்ஸ் ஹார்னர் (இவரது டைட்டானிக் பட இசையை யார்தான் மறக்க முடியும். பிரேவ் ஹார்ட்டும் இவர் படம்தான்)

14.ஜோ ஹிசைசி (பிரபல இயக்குநர் தகாஷி கிடனோவின் பெரும்பாலான படங்களுக்கு இசை இவர்தான். வேல்லி ஆப் தி விண்ட் படத்தின் இசையமைப்பாளர்)

13.ஹான்ஸ் ஜிம்மர் (க்ளாடியேட்டர், பைரேட்ஸ் ஆப் தி கர்ரீபியன் போன்ற மெகா படங்களின் இசையமைப்பாளர் ஜிம்மர். ஸ்டீபன் ஸ்பீல்பெர்க்குக்குப் பிடித்த இசையமைப்பாளர். )

12.ஜான் பேர்ரி (பழைய ஜேம்ஸ்பாண்ட் படங்களின் ஆஸ்தான இசையமைப்பாளர் ஜான் பேர்ரி. அவுட் ஆப் ஆப்ரிக்கா படத்துக்காக ஆஸ்கர் பெற்றவர்)

11.மௌரிஸ் ஜார் (லாரன்ஸ் ஆப் அரேபியா, கோஸ்ட், விட்னஸ் போன்ற படங்களுக்கு மறக்க முடியாத இசை தந்தவர்)

10.ஜெர்ரி கோல்ட்ஸ்மித் (ஏலியன்ஸ், ப்ளானட் ஆப் தி ஏப்ஸ், டோட்டல் ரீகால் போன்ற மெகா ஹிட் படங்களின் இசையமைப்பாளர்.)

9.இளையராஜா (தமிழ், தெலுங்கு, கன்னடம், மலையாளம், இந்தி, மராத்தி, ஆங்கிலம் உள்ளிட்ட மொழிகளில் 970 படங்கள், 4500க்கும் மேற்பட்ட பாடல்கள், 28 தனி இசை ஆல்பங்கள், ஏராளமான சர்வதேச மேடை நிகழ்ச்சிகள் நடத்தியவர்… ஒரு படத்தின் வெற்றியை நிர்ணயித்த இசைக்குச் சொந்தக்காரர்.. பின்னணி இசையால் படத்தைப் பேச வைத்தவர். Music Composer என்ற வார்த்தைக்கு அர்த்தம் தந்த இசையமைப்பாளர்!)

8.ஆலன் மென்கின் (6 ஆண்டுகளில் 8 ஆஸ்கர்களை வாங்கியவர். டிஸ்னி நிறுவனப் படங்களில் பணியாற்றியவர். தி லயன் கிங் இவர் இசையமைத்த படம்தான்)

7.மைக்கேல் ரெக்ரான்ட் (க்ளின்ட் ஈஸ்ட்வுட், ராபர்ட் ஆல்ட்மேன் போன்ற புகழ்பெற்ற இயக்குநர்களுடன் பணிபுந்தவர். தி தாமஸ் க்ரோனின் அஃபையர்ஸ் படத்தின் இசையமைப்பாளர்.)

6.டோரு டகேமிட்சு (ஜப்பானின் முக்கிய இசையமைப்பாளர். பிரபல இயக்குநர்கள் ஹிரோஷி தெஷிகாரா, நகிஷா ஒஷிமா போன்றவர்களின் படங்களுக்கு இசை தந்தவர்)

5.நினோ ரோட்டா (தி காட்பாதர் படங்களுக்கு இசை தந்தவர்)

4.பெர்னார்ட் ஹர்மான் (சைக்கோ, வெர்டிகோ உள்ளிட்ட ஹிட்ச்காக் படங்களின் இசையமைப்பாளர்)

3.ஜான் வில்லியம்ஸ் (சூப்பர் மேன், ஸ்டார் வார்ஸ், ஈடி, ஜூராஸிக் பார்க் படங்களின் இசையமைப்பாளர்)

2.மேக்ஸ் ஸ்டெய்னர் (காஸாப்ளாங்கா, கான் வித் த விண்ட் படங்களின் இசையமைப்பாளர்)

1.என்னியோ மொர்ரிக்கோன் (கில் பில், இங்குளோரியஸ் பாஸ்டர்ட்ஸ் படங்களுக்கு இசையமைத்தவர்)

பாடகி வாணி ஜெயராம்.

பாடகி வாணி ஜெயராம்.

வானவில்லின் வண்ணங்களை, ஏழு ஸ்வரங்களின் வாயிலாக தன் குரலில் கொண்டுவந்து, அவரது பாடல்களை கேட்போரது செவிகளில் தேன் வடியச் செய்த பாடகி வாணி ஜெயராம். குயிலைப் போன்ற குரல் வளம் கொண்டவர்களைப் பற்றி ஒரு சொலவடை உண்டு. இறைவனுக்கு போன ஜென்மத்தில் தேனாபிஷேகம் செய்திருப்பார்களோ என்று. இவரது கம்பீரமான குரலைக் கேட்கும்போது அது உண்மையாக இருக்கும் என்றுதான் தோன்றுகிறது. கம்பீரம் மட்டுமல்ல, கனிவு, குழைவு, எத்தனையோ உணர்ச்சிகளை உள்ளடக்கிய குரல் இவருடைய செந்தூரக் குரல். பொதுவாக நடனத்தில், நடன அசைவுகளில் நவரசத்தை வெளிப்படுத்துவார்கள். இவரது வெண்கலக் குரல் எண்ணிலடங்கா ரசங்களை காட்டக் கூடியது.

இவரது குரல்தான் அதிசயக் குரல் என்றால், தமிழில் அட்சர சுத்தமாகப் பேசத் தெரிந்த ஒரு பாடகி, தமிழகத்தில் வேலூரில் பிறந்த ஒரு பாடகி, தமிழ் இசை உலகில் ஒரு நல்ல இடத்தில், நிறைய பாட வாய்ப்புகள் கிடைக்கப் பெற்றதும் ஒரு அதிசயம்தான். தமிழகத்தில் பிறந்தாலும், இந்திய இசைத் துறையையே ஒரு கலக்கு கலக்கி இருக்கிறார் இந்த குரலழகி, இசையழகி வாணி ஜெயராம். தமிழ், தெலுங்கு, மலையாளம், கன்னடம் என்ற தென்னிந்திய மொழிகள் மட்டுமல்லாது, மொத்தம் பதினான்கு மொழிகளில் பாடியிருக்கிறார் இந்த குரலோவியம். எந்த மொழியில் பாடினாலும் அந்த மொழியின் வார்த்தைகளை கொஞ்சம் கூட அதன் அர்த்தம் மாறாமல் தெளிவாக பாடுவதில் வாணி ஜெயராம் வல்லவர்.

திரைப்படம் : தீர்க்க சுமங்கலி
பாடியவர் : வாணி ஜெயராம்
பாடல் : மல்லிகை என் மன்னன் மயங்கும்

எத்தனையோ மலர்களிங்கே மண்ணிலிருந்தாலும் மல்லிகைக்கென்று ஒரு மகத்தான இடம் மங்கையரிடம் மட்டுமில்லை,  ஆடவரின் உள்ளங்களிலும் உண்டு!  வெள்ளை நிறத்தில் மொட்டாகக் கூடிச் சரமாய்த் தொடுக்கப்பட்டுப் பின் மெல்ல மெல்ல இதழ் விரித்து மணம்தனைப் பரப்பி மனதையும் மயக்கும் மலரன்றோ? மஞ்சமென்றதும் மல்லிகைதான் முதலில் நினைவுக்குள் தோன்றும்! மங்கையரின் கூந்தலில் பெரும்பாலும் இடம் பெறுகின்ற மலர் – மல்லிகை!  எனவேதான் ‘தீர்க்கசுமங்கலி’ திரைப்படத்தில் ‘புன்னகை அரசி’ கே.ஆர்.விஜயா அவர்கள் நடிப்பில் உருவான பாடலிலே..
மல்லிகை என் மன்னன் மயங்கும்
பொன்னான மலரல்லவோ

கவிஞர் வாலி வரைந்தளித்த பாட்டு!  திருமதி. வாணி ஜெயராம் அவர்களின் நாதலயஸ்வரம் கலந்த குரலில் மெல்லிசை மன்னர் எம். எஸ். விஸ்வநாதன் அவர்களின் மென்மையான இசையில் இதயங்களை ஈர்க்கும் பாடல்!  மயக்கும்  பாடல்!  மல்லின்கையின் மயக்கம் இப்பாடலைக் கேட்கும்போதெல்லாம் கூட வருகிறதே!  கவிஞரின் பொற்காலக் கூட்டணியில் விளைந்த அற்புத முத்துக்களில் இதுவும் ஒன்று!  ஏ சி திருலோகசந்தர் அவர்களின் இயக்கத்தில் உருவான மறக்க முடியாத பாடல்!

அபூர்வ ராகங்கள் படத்தில் இடம் பெற்ற ஏழு ஸ்வரங்களுக்குள் எத்தனைப் பாடல் என்று தொடங்கும் பாடல் இவரது குரல் வளத்திற்கு தீனி போட்ட பாடல். இன்ப துன்பம் எதிலும் கேள்விதான் மிஞ்சும், என்றும் எனக்காக நீ அழலாம், இயற்கையில் நடக்கும், நீ எனக்காக உணவு உண்ண எப்படி நடக்கும் என்ற வாழ்வியலை நமக்குப் பட்டவர்த்தனமாக உணர்த்தும் பாடல் வரிகள். வாழ்வின் சந்து, பொந்து, இண்டு, இடுக்கு என எல்லா விஷயங்களையும் தன் பாடல்களில் கொண்டு வந்த கருத்துப் பெட்டகம் கண்ணதாசன் இயற்றிய பாடல் அல்லவா இது. அதனால்தான் இறைவன் தன் பக்கத்தில் சீக்கிரமே அழைத்து வைத்துக் கொண்டார் போல. இவற்றையெல்லாம் தாண்டி M.S.V. அவர்களின் இசைமழை, ஸ்ரீ வித்யா அவர்களின், தனது கண்களிலேயே நவரசங்களையும்
கொட்டி நடிக்கும் திறம் பெற்ற அவரது தேர்ந்த நடிப்பு என, இவை அனைத்தும் சேர்ந்த கூட்டணி இந்தப் பாடலை உலகம் உள்ளவரை அழியாமல் வைத்திருக்கும்.

வாணி அவர்களுக்கு முதல் தேசிய விருதினை பெற்று தந்த பாடல் இது

படம்: அழகே உன்னை ஆராதிக்கிறேன்
பாடல நானே நானா
இசை: இளையராஜா
பாடியவர்: வானி ஜெயராம்
வரிகள்: வாலி

வாணி ஜெயராம் குரலில் மற்றுமொரு சுகமான பாடல்

பாடல் : என்னுள்ளே எங்கோ

பெண்ணின் ஏக்கத்தை பிரதிபலித்த பல பாடல்களை இசைஞானி அள்ளித் தந்திருக்கிறார் என்று நிறைய தடவை பார்த்து பூரித்து போய் இருக்கிறோம்.
கள்ளத்தனம் புரிய மனம் திண்டாடுகிறது..அலைபாய்கிறது. தவறை துணிந்து செய்துவிடு என்று இவளின் உள் மனசு தூண்டுகிறது. பஞ்சும் நெருப்பும் அருகில் இருந்தால் சிக்கென்று பற்றிக்கொள்வது போல, இவளின் காமத்தால் கொளுந்து விட்டு எரியும் நெருப்பிற்கு மிக அருகாமையில் அவளின் கள்ளக் காதலன் இருக்கிறான். கணவனோ, பரிதாபமாக எங்கோ இருக்கிறான்.

இது தாங்க situation.

விரசமாகவும் இருக்கக்கூடாது, சரசமும் சகதியாக ஓடக்கூடாது. இந்தக் காதலில் காமம் தான் இருக்கிறதே தவிர, காதல் இல்லை. உடலின் சூடும், ஹார்மோன்களின் ஆதிக்கமும் பரவச நிலைக்கு அழைத்துச் செல்லும் அந்த சஸ்பென்ஸ் உணர்ச்சியை, ஒரு வித eeriness உடன் சொல்லவும் கொஞ்சம் நஞ்சம் அல்ல, செமத்தியாக இளையராஜா  மெனக்கெட்டிருப்பார் போலும். அதனால் நமக்கு கிடைத்ததோ, காலம் முழுக்க கேட்டு ரசிக்க என்று ஒரு அற்புத பாடல்.

பாலைவனச் சோலை படத்தில் வரும் மேகமே மேகமே என்று தொடங்கும் பாடலில், சங்கர் கணேஷ் அவர்களின் இசை விளையாட்டும், வாணி ஜெயராம் அவர்களின் கூர்மையான குரலமைப்பும், வைரமுத்து அவர்களின் வார்த்தை ஜாலங்களும், உதாரணமாக தினம் கனவு, எனதுணவு, நிலம் புதிது, விதை பழுது, எனக்கொரு மலர் மாலை நீ வாங்க வேண்டும், அது எதற்கோ? என்ற கொக்கியில் முடியும் பாடல் வரிகள், அனைத்தும் ஒன்றிணைந்த இசைச் சித்திரம், இந்த பாடல். வட இந்திய இசையின் சாயலைக் கொண்ட பாடல் இது.

இந்தப் படத்தில்தான் கவிஞர் வைரமுத்து முதன்முதலாக எல்லா பாடல்களையுமே எழுதியிருக்கிறார்.
முரண் என்ற இலக்கிய உத்தியை இப்பாடல் முழுவதும் தவளவிட்டுள்ளார்.
மரணத்தின் பிடியில் தன் வாழ்நாளை எண்ணிக்கொண்டிருக்கும் ஒருத்தி காதலநிடம் தன் சோகத்தை
வார்த்தைகளிலும், சுகத்தை ராகத்திலும் எடுத்துறைக்கிறாள்.
தந்தியில்லா வீணை சுகம் தருமோ?
புயல் வரும் நேரத்தில் பூவுக்கு சுயவரமோ?
என்ற வரிகள் அழுத்தமும்,ஆழமும் நிரைந்தவை.
நடிகர் திலகம் சிவாஜி இப்பாடலை ஆயிரம் முரை கேட்டு கேட்டு அழுதிருக்கிராராம்!
எப்போது கேட்டாலும் இனிக்கும் ஒரு கஜல் வடிவம். சோகம் இழையொடும் குரலில் ”எனக்கொரு
மலர்மாலை நீ வாங்க வேண்டும்,அது எதற்க்கோ?” என கேட்கும் வரிகள் கொஞ்சம் கணமானவை.
எப்போதெல்லாம் மனம் கணமாகிறதோ அப்போதெல்லாம் கேட்க தூண்டும் பாடல்.வைரமுத்துவின் ஆழமான
வரிகள் மேலும் அழகை

படம் "நெஞ்சமெல்லாம் நீயே" (1983). பாடல் "யாரது சொல்லாமல் நெஞ்சள்ளிப் போவது?.." சங்கர் கணேஷ் இசையமைப்பில் வாணி பாடிய பாடல்.

இன்னும் கூட நிறைய பேர் இது ராஜாவின் பாடல் என்று நம்பிக்கொண்டிருப்பார்கள். இதன் இசைக்கோர்வை அப்படி. பாடல் முழுவதுமே பயன்படுத்தியிருக்கும் வயலின், சீரான நடையில் தபேலா எல்லாவற்றிலும் ராஜாவின் சாயல் இருக்கும். தமிழில் வாணிக்கு நிறைய பாடல் கொடுத்து, அவரை முழுமையாக பயன்படுத்திக்கொண்டவர்கள் சங்கர்-கணேஷ்.

வாணியின் ஹிந்துஸ்தானித் திறமை முழுவதையும் வெளிக்கொணரும் பொருட்டு அவருக்கென்றே பாடல் அமைப்பார்கள். எல்லாப்பாடல்களின் இடையிலும் ஒரு ஆலாபனை. இந்தப்பாடலின் சரணத்தின் கூட முதல் வரி முடிந்து ஒரு ஆலாபனைக்கு பின் அடுத்த வரி துவங்கும்.
நன்றி வாட்ஸ்ஆப்வானொலி

மின்மினி ...

மின்மினி ...

கொடுக்கிற தெய்வம் கூரையைப் பிய்த்துக் கொண்டு கொடுக்கும் என்பார்கள். பாடகி மின்மினி விஷயத்திலும் அப்படித்தான் அமைந்திருக்கின்றது. இசைஞானி இளையராஜாவின் "மீரா"திரைப்படத்தின் மூலம் தமிழில் பாடகியாக வந்த அவருக்கு, அந்த ஆரம்ப காலத்தில் நிறையைப் பாடல்களைக் கொடுத்து வாய்ப்பளித்திருக்கின்றார் ராஜா. மலையாள தேசத்துக் குரல்களின் மீது ஏனோ ராஜாவுக்குத் தீராக் காதல். சுஜாதா, சித்ரா, சுனந்தா, செர்ணலதா (இவர் எம்.எஸ்.வி இசையில் தான் அறிமுகமானார் ஆனால் ராஜா கொடுத்த பாடல்களால் கிடைத்த புகழை இங்கே சொல்லவா வேண்டும்), என்று நீளும பட்டியலில் மின்மினியும் இணைந்து கொண்டார். ரோஸில்லி என்ற இயற்பெயர் கொண்ட

மினி ஜோசப் என்ற பெயரிலேயே வலம்வந்திருக்கின்றார் இது தமிழ்த்திரையுலகுக்கு வரமுன்னர். மினி ஐ மின்மினி என்று பெயர் சூட்டியதும் ராஜாவே தான்.

படம்: அரண்மனை கிளி  (1993)
இசை: இளையராஜா
பாடியவர்கள்: மலேசியா வாசுதேவன், மனோ, மின்மினி
பாடல்வரிகள்: வாலி

அந்த நிலவொளியில் குளித்து தம் நேசத்தைப் பகிர்ந்து கொள்ளும் காதலர்களாக அருண்மொழி, மின்மினி குரல்கள் இணைய, இன்னோர்புறம் தன் மண வாழ்வின் கசப்பைப் பகிரும் சோக ராகத்தை மீட்டுகிறார் மலேசியா வாசுதேவன். இவ்விதம் ஒரே பாடலில் இன்பத்தையும் துன்பத்தையும் கலந்து கட்டிக் கொடுத்த பாடல்

இந்த பாடலில் ராஜ்கிரணுக்கான குரலாக மலேசியா வாசுதேவன் குரல் ஒலித்தாலும் அது காட்சிக்கு அவதூறு விளைவிக்கால் அடக்கமாக இருக்கும்.

ஜோடிக்குரல்களிலிருந்து மலேசியா வாசுதேவனின் தனிக்குரலுக்கு நகரும்போது இணைப்பாக வரும் அந்தப் புல்லாங்குழல் ஒலியை நிறுத்தப் புள்ளியிலிருந்து கேட்கும் போது புல்லரிக்கும்.

திரை இசையில் பலவகையான பாடல்களை பாடிய மின்மினி கர்னாடக ராகங்களில் அமைந்த சில பாடல்களையும் சிறப்பாக பாடியிருக்கிறார். ஆனால் அவர் இசை கற்றதேயில்லை! சாஸ்திரீய இசையை விடுங்கள், ச ரி க ம எனத்தொடங்கும் ஸ்வரங்களையே அவர் ஒருபோதும் கற்றுக்கொண்டதில்லை! ஸ்வரஸ்தானங்கள் எதுவுமே தெரியாமல்தான் ராகங்களில் அமைந்த பாடல்களை எந்த பிழையுமின்றி சிறப்பாகப் பாடியிருக்கிறார். மலையாளத்தில் வந்த பல பாடல்களுடன் தமிழில், இளையராஜாவின் இசையில் தேவர்மகன் படத்தில் இடம்பெற்ற ‘மணமகளே மணமகளே’ (ராகம்: சுத்த சாவேரி), ’மாசறு பொண்ணே வருக’ (ராகம்: மாயாமாளவகௌள) போன்றவை உதாரணங்கள். இன்றும் எந்தவொரு செவ்விசை கிருதியையோ கீர்த்தனையையோ பாட மின்மினிக்குத் தெரியாது. ஒரு ராகத்தைக்கூட அடையாளம் காணவும் அவரால் முடியாது!

இன்றும் "தேவர் மகன் " படத்தின் ரேவதி திருமணமாகி கமல் வீட்டின் உள்ளே நுழையும்போது சோக பின்னணியில்(கமல் கெளதமியை காதலித்திருப்பார் ) மங்களம் கமழ "மணமகளே மணமகளே " என்று கேட்கும்போது மனதின் ஆழத்தில் அத்தனை ஏக்கமாக இருக்கும்.. (பாடிய இருவரில் மின்மினி இசை உலகத்தில் இல்லை.. ஸ்வர்ணலதா வோ இந்த உலகத்திலேயே இல்லை ) ..

தேவர் மகன் படத்தில் இருந்து மணமகளே பாடல்
படம்: அரண்மனை கிளி  (1993)
இசை: இளையராஜா
பாடியவர்கள்: மலேசியா வாசுதேவன், மனோ, மின்மினி
பாடல்வரிகள்: வாலி

அந்த நிலவொளியில் குளித்து தம் நேசத்தைப் பகிர்ந்து கொள்ளும் காதலர்களாக அருண்மொழி, மின்மினி குரல்கள் இணைய, இன்னோர்புறம் தன் மண வாழ்வின் கசப்பைப் பகிரும் சோக ராகத்தை மீட்டுகிறார் மலேசியா வாசுதேவன். இவ்விதம் ஒரே பாடலில் இன்பத்தையும் துன்பத்தையும் கலந்து கட்டிக் கொடுத்த பாடல்

இந்த பாடலில் ராஜ்கிரணுக்கான குரலாக மலேசியா வாசுதேவன் குரல் ஒலித்தாலும் அது காட்சிக்கு அவதூறு விளைவிக்கால் அடக்கமாக இருக்கும்.

ஜோடிக்குரல்களிலிருந்து மலேசியா வாசுதேவனின் தனிக்குரலுக்கு நகரும்போது இணைப்பாக வரும் அந்தப் புல்லாங்குழல் ஒலியை நிறுத்தப் புள்ளியிலிருந்து கேட்கும் போது புல்லரிக்கும்.

படம் : எங்க தம்பி
பாடல்:மலையோரம் மாங்குருவி
இசை : இளையராஜா

பிரபலமடையும் முன்பு ஒருமுறை எஸ். ஜானகிக்காக ஒரு பக்திப்பாடலின் ஒலித்தட்த்தில் (Track) பாடுவதற்க்காக மலையாள இசையமைப்பாளர் வித்யாதரன் மின்மினியை அழைத்தார். மெட்டைச் சொல்லித்தரும் முன் கர்னாடக இசை தெரியுமா என்று கேட்டார். ’இல்லை’ என்று சொன்னதும் கோபமடைந்த அவர் செவ்வியல் இசை முறையாகத் தெரிந்த பாடகி வேண்டும் என்று சொன்னதன் பின்பும் எதுவுமே தெரியாத ஒருத்தியை அழைத்து வந்தமைக்காக தன் உதவியாளனை திட்டிவிட்டு, மின்மினியிடம் உடனடியாக வெளியேறுமாறு சொன்னார். ஆனால் அங்கிருந்த இசைக் கலைஞர்கள் மின்மினியின் திறமையை ஏர்கனவே தெரிந்து வைத்திருந்தவர்கள். அவர்கள் வித்யாதரனிடம் எடுத்து சொல்லி கடைசியில் ஒரு ஒத்திகைக்கு அவரை சம்மதிக்க வைத்தார்கள். மின்மினி பாடிக்கேட்டபோது அவருக்கு கர்னாடக இசை தெரியாது என்பது பொய் என்று சொன்னார் அந்த இசையமைப்பாளர்.

இப்படியாக தன் பெயரில் ஒளிந்திருக்கும் அந்த மின்மினிப் பூச்சியைப் போல் அற்புதமாக ஒளிர்ந்து, விரைவாக நம் கவனத்தைக் கவர்ந்து, பின்னர் வந்ததைவிட வேகமாக காணாமல்போன மின்மினியின் கலையும் வாழ்வும் ஒரு புனைகதையப் போல் விசித்திரமானது.

" ரோஜா " படம் வெளிவந்த போது இவ்வுலகமே திரும்பி பார்த்த இருவரில் முதலாமவர் "மின்மினி".. இரண்டவதாகதான் "A .R .ரகுமான்" என்ற இளம்புயல்... அந்த அளவுக்கு மின்மினி பாடிய "சின்ன சின்ன ஆசை" பட்டி தொட்டியெல்லாம் ஒலித்தது....

மின்மினியின் எளிமையான இனியகுரல் ஜானகியின் இளம்பிராயத்து குரலாக தொணியதாலோ என்னவோ மின்மினி இளையராஜாவின் ஆஸ்தான பாடகியாக மாறினார்.. மின்மிநியுடன் அதே சம காலத்தில் இசையுலகதுக்கு அறிமுகமானவர் ஸ்வர்ணலதா .. அனால் இளையராஜா & ரஹ்மான் இருவராலும் பெரிதும் ஆராதிக்கபட்டவர் முதலில் "மின்மினி" தான்.

சின்ன சின்ன ஆசை " பாடியதற்காக மின்மினிக்கு! தமிழக அரசின் விருது, சிங்கப்பூர் அரசின் விருது, ஃபிலிம்ஃபேர் விருது, சினிமா எக்ஸ்பிரஸ் விருது போன்ற எண்னற்ற விருதுகள் வந்து குவிந்தன....

ஆனால் அவரின் இசை சகாப்தம் சில நூறு பாடல்களிலேயே முடிந்து போன கொடுமை தான் அந்த "சின்ன சின்ன ஆசை" யா..

பாடல் : அன்பே வா
படம் : ஏழைஜாதி

இடைவிடாமல் மேடை நிகழ்ச்சிகளிலும் பக்திப்பாடல் பதிவுகளிலும் பங்கேற்று கொண்டேயிருந்தார். 1993ன் கடைசியில் ஒருநாள் இங்கிலாந்தின் லண்டன் நகரில் நடந்த, தமிழ் திரை உலகின் பல பிரபலங்கள் பங்கேற்ற ஒரு தமிழ் திரை நட்சத்திர இரவின் மேடைநிகழ்ச்சியில் பாடிக்கொண்டிருக்கும்போது திடீரென்று மின்மினியின் குரல் வெளிவராமல் முற்றிலுமாக நின்றுபோனது. தொடர்ந்து பலமாதங்கள் அவரால் பேசவே முடியவில்லை.
ஏறத்தாழ எஸ். ஜானகியின் குரலின் தன்மைகள் உடையதுதான் மின்மினியின் குரலுமே. சின்னவயதிலிருந்தே தனக்கே தெரியாமல் தொடர்ந்து பாடுவதன் வழியாக கட்டமைக்கப்பட்டும் குரல் அது. இயல்பாக கிடைத்திருக்கும் குரலுக்கு இருக்கும் எதிர்ப்பு சக்தி இத்தகைய குரல்களூக்கு இருக்காது எனப்படுகிறது. பல வருடங்கள் ஓய்வே இல்லாமல், இடைவிடாமல் பாடிவந்ததனால் குரல் தந்துக்களின்மேல் ஏற்பட்ட அளவுக்கதிகமான அழுத்தம் ஒருநாளில் ஒரேய டியாக வெளிவந்ததாகக்கூட இருக்கலாம். தொடர்ந்த சிகிச்சையின் காரணமாக மீண்டும் பேசவும் ஒரளவுக்கு பாடவும் முடிந்தது. ஆனால் மின்மினியின் குரலிலும் பாடும்முறையிலும் இருந்துவந்த பழைய அந்த சிறப்பு காணாமலாகி விட்டிருந்தது.
பரபரப்பாக இயங்கிக்கொண்டிருந்த காலத்தில் ஜாய் என்கிற கீபார்ட் இசைக் கலைஞருடன் மின்மினியின் திருமணம் நிச்சயிக்கப்பட்டிருந்தது. பாடமுடியாமல் மன உளைச்சலின் ஆழங்களுக்கு சென்றுகொண்டிருந்த மின்மினியை அவர் மணம்புரிந்தார். மின்மினியை வரவழைத்து ஒவ்வொரு வார்த்தையாக, வரியாக பாடவைத்து பாடல்களை பதிவு செய்யவும்கூட முன்வந்தார்கள் அவரது பாட்டை விரும்பிய இசையமைப்பாளர்கள். ஆனால் சரியாக பாடமுடியாத காரணத்தால் கொஞ்சம் கொஞ்சமாக பாடுவதிலிருந்து விலகிக்கொண்டார் மின்மினி. இருந்த அனைத்தையும் சிகிட்சைக்காக செலவிட்டார். வருடங்கள் கடந்தோடின. தன்னால் மீண்டும் பாடமுடியும் என்ற நம்பிக்கை திரும்பி வந்தபோது அவரைக் கூப்பிட யாருமே இருக்கவில்லை.
எல்லாவற்றையும் இழந்த மின்மினி சென்னையில் வாழ வழியில்லாமல் கேரளத்துக்கு திரும்பி இப்பொழுது பல ஆண்டுகள் ஆகிவிட்டது. இன்று பதின்பருவத்தை எட்டிய இரு குழந்தைகளுடனும் தன் கணவருடனும் கொச்சியில் வாழ்ந்து ஒரு இசைப்பள்ளியை நடத்தி வருகிறார். தனது குரலின் சிக்கல்கள் முற்றிலுமாக மாறிவிட்டது என்றும் தன்னால் இப்பொழுது பழையபடி பாட முடியும் என்றும் அவர் சொல்லுகிறார். ஆனால் இன்றைக்கு அவரை பாடுவதற்க்கு அழைக்க யாருமே முன்வருவதில்லை.