நாளைய தீர்ப்பு முதல் சர்க்கார் வரை எங்கள் தளபதியின் பயணம் சிறப்பு பார்வை

தமிழ் திரையின் முழுமதி! தயாரிப்பாளர்களின் வெகுமதி! ரசிகர்களின் இதயத்து அதிபதி! எங்கள் இளையதளபதி!!! 1984 விஜய் என்னும் பெயர் வெற்றியில் பதிவானது. அன்று தொடங்கிய தனது தீராத சினிமா வேட்கையில் அண்ணாமலை வசனம் பேசி, தந்தையின் முன் வெளிப்படுத்தி இதற்கான விடை நாளைய தீர்ப்பானது.

பூவே உனக்காக திரைப்படத்தில் தனது நடிப்பாற்றலை வெளிப்படுத்தி அனைவரின் மனதிலும் இடம்பிடித்தார். 1997ல் வரிசையாக லவ் டுடே, ஒன்ஸ் மோர், நேருக்கு நேர், காதலுக்கு மரியாதை போன்ற வெற்றிப் படங்களைத் தந்து நட்சத்திர அந்தஸ்தை அடைந்தார். தமிழக தாய்மார்களின் மனங்களில் நிறைந்தார்.

தொடர்ந்து பிரியமுடன், துள்ளாத மனமும் துள்ளும் போன்ற திரைப்படங்களில் மாறுபட்ட கதாப்பாத்திரங்களில் தோன்றி சிறந்த நடிகர்களின் பட்டியலில் இணைந்தார். பிறகு குஷி, பிரியமானவளே, ஃபிரண்ட்ஸ், ஷாஜகான் போன்ற முத்திரை படங்கள் தந்து காதல் நாயகனாக வலம் வந்தார். அதுமுதல் ரசிகர்கள் இவரை பற்றிக்கொண்டதால் வெற்றிகள் இவரை தொற்றிக்கொண்டன.

அனல் தெறிக்கும் பொறி பறக்கும் திரைக்கதைகள் சொல்லியடித்தது இந்த கில்லி. பிறகு அதிரும் வசனங்களுடன் அடுக்கடுக்கான சண்டைக் காட்சிகளால் உறுதியானது போக்கிரியின் வெற்றி. பிரம்மாண்ட இயக்குனருக்கு இவரை பிடித்தது அது நண்பனாய் உருவெடுத்தது. அதில் விஜய் அவர்கள் எதார்த்தமாக நடித்தது இதுவே சினிமா வர்ணனையாளர்களின் பதில்.

சிவாஜி, எந்திரனை தொடர்ந்து 100 கோடிகளை தனதாக்கி, தனக்கென தனி பாணி உருவாக்கி வெளிவந்தது இந்த துப்பாக்கி. தலைவா, ஜில்லாவில் பட்டைதீட்டப்பட்டு கூர்மையாக உருவானது கத்தி. தொடர்ந்து புலியாய் உருமாறி தூள் பறக்க தெறிக்கவிட்டது தெறி. பைரவா வரலாம் வா என பல லட்சம் ரசிகர்களின் மனதில் இறக்க முடியா அரியணை ஏறினார் நம் விஜய் அவர்கள்.

மெர்சலின் அரசனாய் வந்து தற்போது சர்க்காராய் பரிணாமம் அடைந்துள்ளார் எங்கள் விஜய் அவர்கள். அசாதாரண உழைப்பால் உயர்திரு சிவாஜி, நம்பியார், நாகேஷ், ஆச்சி, சரோஜா தேவி, விஜயகாந்த், மோகன் லால் போன்ற திரையுலக ஜாம்பவான்களுடன் கைகோர்த்துள்ளார்.

21 இயக்குனர்கள், 3 இசையமைப்பாளர்களை அறிமுகப்படுத்தி உள்ளார். 14 இசையமைப்பாளர்களுடன் 30க்கும் மேற்பட்ட பாடல்களை பாடியுள்ளார். இவர் ரசிகர் மன்றமா விதச்சது பின்னாடி நற்பணி மன்றமா முழச்சது. இறுதியா மக்கள் இயக்கமா மாறணும் என்பதுதான் இவர் நினைச்சது. இலங்கை தன் இனப்பிரச்சனைக்காக குரல்கொடுத்ததோடு இல்லாமல் தன் ரசிகர்கள் மூலம் 100000 தந்தி பிரதமர் அலுவலகம் சென்றடையும்படி செய்தார், மக்களின் இதய தளபதி.

இவருடைய கூர்மையான வேர்வையையும், சமுதாய பார்வையையும் மதித்து டாக்டர் பட்டம் அளித்து கௌரவப்படுத்தினர். பல கோடி ரசிகர் படையாலும் தமிழ் சினிமாவின் தனி அடையாளம் எங்கள் விஜய் அவர்கள். ஸ்டைலிஷான சண்டைக் காட்சிகள் இவரின் கடின உழைப்பிற்கான சாட்சியம்.

இன்றும் டான்ஸ் மாஸ்டர், ஹீரோ என்று செல்லமாக அழைக்கப்படும் ஒரே நாயகன் எங்கள் விஜய் அவர்கள். இன்று 44வது பிறந்தநாள் காணும் எங்கள் அண்ணன் விஜய் அவர்களின் பயணம் சிறக்க, அனைத்திலும் வெற்றி பெற அவர்களுக்கு எங்களின் இனிய பிறந்தநாள் நல்வாழ்த்துக்கள்.