ரசிகர்களுக்கு கல்தா கொடுத்த ஸ்ருதிஹாசன்....

கமல் மகளான நடிகை ஸ்ருதஹாசன் விஸ்வரூபம் 2 படத்தின் ட்ரெய்லர் லிங்கிற்குப் பதிலாக வேறு ஏதோ ஒரு லிங்கை ட்வீட் செய்து ட்ரெய்லரை வெளியிட்டு ரசிகர்களுக்கு கோபம் அடைய செய்துள்ளார் .

கமல் நடித்து, இயக்கிய கடந்த 2013ம் ஆண்டு வெளியான படம் விஸ்வரூபம். கமல், பூஜா குமார் மற்றும் ஆண்ட்ரியா நடிப்பில் உருவாகியிருந்த இப்படம் கடும் எதிர்ப்புக்கு மத்தியில் வெளியாகி மாபெரும் வெற்றி பெற்றது. அப்போதே விஸ்வரூபம் 2 படத்தின் வேலைகள் துவங்கியிருந்த நிலையில் 2017ல் இரண்டாம் பாகம் வெளியாகுமென எதிர்பார்க்கப்பட்டது. 
ஆனால் பல்வேறு பிரச்சனைகள் மற்றும் சென்சார் போர்டு காரணமாக படத்தின் வெளியீடு தள்ளிப்போனது. அடுத்தடுத்த படங்கள் மற்றும் அரசியல் என்றி என அடுத்தடுத்த வேளைகளில் பிஸியாக இருந்த கமல் தற்போது விஸ்வரூபம் 2 படத்தின் அனைத்து பிரச்னைகளையும் ஒரு வழியாக சரி செய்து முடித்துள்ள நிலையில் இப்படத்தின் தமிழ் ட்ரெய்லரை இன்று மாலை 5 மணிக்கு ஸ்ருதிஹாசன் தனது ட்விட்டர் பக்கத்தில் வெளியிட்டார்.

அப்போது படத்தின் ட்ரெய்லர் லிங்கிற்குப் பதிலாக வேறு ஏதோ ஒரு லிங்கை விஸ்வரூபம் 2 படத்தின் ட்ரெய்லர் என ட்வீட் செய்து ஸ்ருதிஹாசன் மாட்டிக்கொண்டார். இதனை க்ளிக் செய்து பார்த்த ரசிகர்கள் மிகுந்த ஏமாற்றமடைந்தனர். பின்னர் அந்த லிங்கில் வீடியோ இல்லையென ரசிகர்கள் கமெண்ட் மற்றும் கழுவி கழுவி ஊற்றியதையடுத்து ஸ்ருதிஹாசன் சுதாரித்துக்கொண்டு அந்த ட்வீட்டை டெலீட் செய்துவிட்டு மறுபடி சரியான லிங்கை  ட்வீட் செய்தார்.